«Անկախության Սերունդ» ՀԿ-ը հայտարարում է անկախության գաղափարին նվիրված հոդվածաշարի մրցույթ: Մրցույթին կարող են մասնակցել 18-30 տարեկան այն ուսանողներն ու երիտասարդները, ովքեր ունեն համապատասխան կրթություն և/կամ տիրապետում են, հետաքրքրված են հայոց անկախության գաղափարով:
Մասնակիցների համար նախատեսված են հետևյալ մրցանակները՝
1-ին տեղ՝ 50 հազար ՀՀ դրամ
2-րդ տեղ՝ 30 հազար ՀՀ դրամ
3-րդ տեղ՝ 10 հազար ՀՀ դրամ
Բոլոր մասնակիցները կստանան մրցույթին մասնակցելու հավաստագիր (սերտիֆիկատ): Մրցույթին մասնակցած, բայց չհաղթած լավագույն հոդվածները ևս կհրապարակվեն Ankakhutyun.am կայքում:
Մրցույթի մասին
Թեման՝ Մրցույթի մասնակիցներն իրենց հոդվածներում պիտի շոշափեն հետևյալ ուղղություններից առնվազն մեկը՝
- Ա․ Անկախության գաղափարի զարգացումը և իրացումը հայոց պատմության մեջ՝ ներառյալ մեր օրերը
- Բ. Հայոց անկախության համար առանցքային կերպարի կամ դեպքի վերլուծություն
- Գ. Անկախության գինը, ի՞նչ արժե անկախությունը,
- Դ. Անկախությունը որպես արժեք և նպատակ:
Պայմանները՝
- Հոդվածները ներկայացնել հայերեն
- Microsoft Word, Sylfaen տառատեսակով
- Տառաչափը՝ 12
- Միջտողային հեռավորությունը՝ 1.5
- Մոտիվացիոն նամակ, որում նշել, թե ինչու է տվյալ հեղինակը մասնակցում մրցույթին և ինչով է կարևոր իր հոդվածը՝ առավելագույնը մեկ էջ Microsoft Word, Sylfaen տառատեսակով, 12 տառաչափով
- Հոդվածի ծավալը չպիտի գերազանցի 1000 (հազար) բառը:
- Առանձին ֆայլով ուղարկել հոդվածի վերնագիրը, հեղինակի անուն ազգանունը, կրթական հաստատությունը կամ որակավորումը, բնակության հասցեն, հեռախոսահամար, էլ.փոստ(նշել միայն իրական տվյալներ)
- Ամեն հեղինակ կարող է ուղարկել միայն մեկ հոդված
- Պայմաններին չհամապատասխանող հոդվածները չեն ընդունվի և չեն դիտարկվի:
Վերջնաժամկետ՝
- Հոդվածներն ուղարկել մինչև 2023թ. ապրիլի 10-ը ներառյալ
- Մրցույթը կամփոփվի ս/թ. ապրիլի 21-ին
- Հաղթող մասնակիցների և ժյուրիի կողմից առանձնացված մասնակիցների հոդվածները հերթականությամբ կհրապարակվեն Ankakhutyun.am-ում:
Հոդվածը, մոտիվացիոն նամակը և տվյալներն ուղարկել առանձին առանձին MS Word փաստաթղթերով, մեկ նամակով, Ankakhutyun.am էլ. փոստին՝ ankaxutyanserund20gmail.com